As transnacionais contribúen para aumentar a fame, o campesiñado oferece solucións

A Via Campesina está aterrada coa arrogancia do sector privado e especialmente de Nestlé, ao pretender oferecer solucións á actual crise alimentar considerando que son as mesmas transnacionais quen continuaron a contribuír activamente á creación desta crise.

Os comentarios do presidente de Nestlé durante a Conferencia do sector privado e da FAO en Milan o pasado 12 de novembro resúltannos particularmente chocantes dadas as coñecidas campañas de Nestlé para fomentar o consumo de leite de fórmula para bebés en detrimento do aleitamento materno nos paises en desenvolvemento.

Moitas transnacionais aumentaron os seus beneficios durante a crise alimentar e xogaron un rol principal ao incrementar a fame no mundo mediante a toma de control sobre o sistema alimentar e os recursos produtivos como a terra e a auga, excluíndo a campesiños e campesiñas da mesma produción alimentar.

Estes actores privados presionaron por mudar os modelos agricolas de produción, forzando a modos produtivos intensivos e introducindo tecnoloxías e politicas como os agrocombustíbeis, os transxénicos e a liberalización do comercio co único interese de incrementar os seus beneficios. Os cegadoras fallos destas estratexias corporativas das transnacionais fronte ao sistema alimentar son evidentes dadas as estatisticas que demostran o constante aumento nas cifras das persoas que sofren de fame no mundo.

Sobre o tema de transxénicos, Javier Sánchez, representante do sindicato campesiño COAG (membro da Vía Campesina), declarou: “Existe un consenso global entre campesiños e consumidores sobre as tecnoloxías de OMXs que permiten ás multinacionais tomar o control sobre as sementes negando aos agricultores a posibilidade de gardar as súas propias. Campesiños e campesiñas perden o dereito a producir alimentos libres de modificacións xenéticas mentres que os consumidores perden o dereito a se alimentar ao mesmo tempo con produtos sen transxénicos. Este é un claro exemplo de como a privatizacion dos recursos naturais vai en contra dos intereses comúns. Os consumidores en Europa, con razón, están a rexeitar este tipo de tecnoloxías”.

Henry Saragih, coordenador xeral da Vía Campesina observa que no seu pais natal, Indonesia, Nestlé contribuíu directamente ao empobrecimiento do campesiñado e ao fomento da malnutricion particularmente entre bebés, a traves do control da produccion e do sistema de prezos dentro do sector leiteiro.

Durante o Foro “Soberania Alimentar Xa”, paralelo ao Cume Mundial sobre Seguranza Alimentar en Roma, as Organizacións da Sociedade Civil estan a propor as solucións reais da soberania alimentar.

Publicado no web da Via Campesina