18 de Abril, en Zaragoza: Manifestación estatal contra os transxénicos

18 de Abril de 2009

Manifestación estatal ás 12:00 desde Puerta del Carmen, Zaragoza

POR QUE NON QUEREMOS TRANSXÉNICOS

Transxénicos: Organismos creados artificialmente en laboratorio, ao introducir xenes dunhas especies noutras. Así se obteñen seres vivos que non existirían de forma natural. é un experimento a grande escala cunha tecnoloxía chea de efectos imprevistos e non desexados.

Ameazan a nosa saúde: Falta investigación para coñecer todos os danos que poden ocasionar, polo que algúns cultivos autorizados prohibíronse posteriormente. Provocan novas alerxias e resistencia a antibióticos. Varios estudos demostran problemas de fertilidade, toxicidade en ril e fígado.

Deterioran o ambiente e a vida silvestre. Máis do 80% dos cultivos transxénicos son tolerantes a herbicidas, polo que se incrementa o seu uso. O resto son plantas con propiedades insecticidas que tamén afectan á fauna beneficiosa.

Producen contaminación xenética. Os caracteres transxénicos contaminan outros cultivos. A coexistencia coa agricultura familiar, tradicional ou ecolóxica, é imposible.

Non solucionan a fame no mundo, agrávana. Só catro empresas biotecnolóxicas controlan o 90% do mercado dos transxénicos. Os agricultores/as non poden gardar as súas sementes e perden a súa autonomía e liberdade. Estas empresas venden a semente e o produto químico asociado, todo lles pertence.

Democracia alimentaria. Consumidores/as e agricultores/as temos o dereito e a responsabilidade de coñecer e decidir como e onde se producen os nosos alimentos e reconstruír os vínculos entre o campo e a cidade.

En Aragón atópase a maior superficie de transxénicos de toda a Unión Europea. Moitos países prohibíronos, pero España segue facilitando a súa expansión.
Convocan a manifestación:
PLATAFORMA RURAL (Amigos de la Tierra, CAS, CECU, CERAI, CIC BATA, CIFAES-URPF,COAG, C. Tierra de Campos, Ecologistas en Acción, Entrepueblos, Espacio Comercio Justo, Jovenes Rurales C., Red Africa Europa, SODEPAZ, Veterinarios Sin Fronteras, Moviento Rural C., Mundubat, Red de Semillas, SEAE, SOC, Universidad Rural P. F., Xarxa de Consum Solidari) e Greenpeace