Constituída a Coordenadora Europea Vía Campesina

Unha nova organización para cambiar as políticas agrícolas europeas a partir do recoñecemento médico

O proceso iniciado pola Coordenadora Labrega Europea (CPE) e a COAG culminou 27 de Xuño na presentación pública da Coordenadora Europea Vía Campesina en presenza de Josep Puxeu, o Secretario de Estado español de Medio Rural e Auga.

A Coordenadora Europea Vía Campesina agrupa as organizacións reunidas antes na CPE e numerosas organizacións campesiñas e de traballadores agrícolas de Dinamarca, Suíza, Italia, Países Baixos, España, Grecia, Malta e Turquía.

O obxectivo principal desta organización é a loita por outras políticas agrícolas e alimentares máis lexítimas, máis xustas, máis solidarias e máis sustentábeis que son necesarias en Europa para responder aos desafíos de seguridade alimentar, de saúde pública, de emprego no medio rural e para enfrontar a crise global dos prezos alimentares e do cambio climático.

En Europa, cada día, máis de mil explotacións agricolas desaparecen por falta dunha verdadeira vontade política de facer vivir a agricultura labrega e familiar.

Esiximos o desenvolvemento dunha agricultura labrega diversa e vinculada aos territorios e a aplicación da soberanía alimentar.

En 2008, a Coordenadora Europea Vía Campesina participará de xeito activo no Foro Social Europeo en Malmö en Suecia (17-21 de Setembro), na mobilización e o foro de Annecy en Francia co gallo da reunión informal do Consello Agrícola e na V Conferencia de Vía Campesina (17-23 de Outubro). Implicarase desde 2008 no debate sobre a PAC para logo de 2013.

Vosté pode atopar aquí unha presentación dos valores e as prioridades da Coordenadora Europea Vía Campesina do mesmo xeito que unha lista das organizacións integradas e do seu Comité Coordenador.

Principios comúns

Nós, organizacións integrantes da Coordenadora Europea Vía Campesina, desexamos reforzar o movemento labrego europeu para facer mudar a política agrícola europea. Defendemos o dereito de soberanía alimentar, necesario para esta mudanza. Os principios comúns seguintes renovan os nosos valores e as nosas prioridades. Convidamos ás organizacións labregas e rurais que os comparten a se xuntar para facer mudar a política agrícola europea a partir de 2008.

Os nosos valores:

• A solidariedade no canto da competencia,
• A xustiza social,
• A igualdade de dereitos entre homes e mulleres
• O uso sustentábel dos recursos naturais,
• A saúde dos produtores e dos consumidores,
• A diversidade rexional dos produtos e das agri-culturas.

Por que queremos mudar as políticas agrícolas actuais en Europa?

A PAC actual, é o resultado dunha má PAC desde antes de 1992, e dunhas más reformas segundo os criterios da OMC en 1992, 1999, 2003. Elimina ao campesiñado europeu. Non ten lexitimade xa sexa a nivel internacional (dumping) ou a nivel social (desigualdades). Arruína o medio ambiente, a saúde, a calidade dos produtos e fai dos labregos persoas asistidas, sen recoñecemento económico e social. Discriminouse financeiramente ao campesiñado da Europa Central integrada á UE. Os países europeos fóra da UE que asinaron o acordo da OMC aplican políticas paralelas á PAC.

As nosas prioridades para unha política agrícola lexítima, sustentábel e solidaria

• Necesitamos unha política pública, unha política agrícola europea, definida polos europeos e non pola OMC. Si a un cambio de PAC, non á súa supresión.
• O emprego agrícola e rural debe ser unha prioridade da PAC: opómonos á desaparición do campesiñado.
• Os dereitos das labregas deben ser recoñecidos.
• O acceso á terra, á auga, ás sementes, ao crédito debe ser un dereito: inclúe o dereito labrego a salvagardar as súas sementes e a mellorar as súas variedades vexetais.
• Cumpre favorecer a instalación de moz@s labreg@s.
• O campesiñado debe vivir primeiro da venda dos seus produtos. Para que os prezos agrícolas reflictan o valor real dos produtos, as dúas condicións seguintes son necesarias:
  • A produción debe ser controlada, co fin de evitar os excedentes ou as penurias
  • Calquera forma de dumping na exportación (venda por baixo dos custos de produción) debe estar prohibida, e no seu lugar a UE e os outros países deben ter o dereito a protexerse de importacións a prezos demasiado baixos.
• Para manter un mundo rural vivo en todas as rexións,
  • a agricultura campesiña debe manterse e desenvolverse: fondos europeos son necesarios, particularmente para as pequenas explotacións e as rexións desfavorecidas.
  • o proceso de concentración da produción agrícola debe pararse e a produción agrícola mellor distribuída entre as rexións e entre as explotacións.
• Manter e mellorar os servizos públicos en todas as rexión
• Os modos de produción que danan ao medio ambiente, consomen demasiada enerxía, afectan á calidade e á seguridade dos produtos, deben ser reorientados.
• A utilización das terras agrícolas debe consagrarse prioritariamente á produción alimentar.
• A biodiversidade debe ser salvagardada: os transxénicos e as patentes de organismos vivos deben ser prohibidos.
• A política de desenvolvemento rural non debe substituír á PAC, nin corrixir os seus defectos, senón complementala, desenvolvendo o emprego como prioridade.
• Os circuítos curtos de comercialización deben de ser prioritarios en relación ao transporte de longa distancia e aos mercados internacionais.
• Os traballadores agrícolas inmigrantes deben ser tratados sen discriminación, cos mesmos dereitos que os seus homólogos europeos.
• Son necesarias regras de comercio internacional sen dumping baseadas sobre o dereito á soberanía alimentar, os dereitos humanos e os dereitos internacionais de traballo.

Comité Coordenador:

Joop de Koeijer (Países Baixos)
Lida Senra (España)
Marit Jordal (Noruega)
Pierre André Tombez (Suíza)
Rafael Hernández (España)
René Louail (Francia)
Javier Sánchez (CCI de Via Campesiña) (España)
Josie Riffaud (CCI de Vía Campesiña) (Francia)

Organizacións Integrantes:

Alemaña
Arbeitgemeinschaft Bäuerliche Landwirtschaft (ABL)

Austria
Österreichische Bergbauernvereinigung (ÖBV)

Bélxica
Fédération unie deas groupements deas éleveurs et agriculteurs (FUGEA)
Mouvement Action Paysanne (MAP)
Vlaams Agrarisch Centrum (VAC)

Dinamarca
Frie Boender

España
Coordinadora de Organizaciones de Agricultores y Ganaderos (COAG)
Euskal Herriko Nezakarien Elkartasuna (Unión de Ganaderos y Agricultores Vascos (EHNE/UGAV) - País Vasco
Sindicato Labrego Galego (SLG) - Galiza
Sindicato de Obreros del Campo (SOC)

Europa
Mouvement International de Jeunesse Africole Catholique (MIJARC-Europe)

Franza
Confédération nationale des syndicats des exploitants familiaux (MODEF)
Confédération Paysanne

Grecia
NEAK

Italia
Associazione Italiana per l’Agricoltura Biologica (AIAB)
Associazione Rurale Italiana (ARI)

Malta
Assocjazzioni tal-Bdiewa (ATB)

Noruega
Norske bonde -og Smabrukarlag (Norwegian Farmers’ and Smallholders’ Union) (NBS) - Norge

Países Baixos
Nederlandse Akkerbouw Vakbond (NAV)

Portugal
Confederação Nacional da Agricultura (CNA)

Suecia
Nordbruk

Suíza
L’Autre Syndicat
Uniterre

Turquía
Confederation of Farmers’ Unions (ÇIFÇTI-SEN)

Fonte: Vía Campesina